«Форсат» тапшыруы. Су юлы йоласы

Безнең төшерү төркеме Түбән Уратма авылында булып кайтты.

Авылның китапханә, мәдәният йорты хезмәткәрләре татар халкының борынгы йолаларының берсе – яшь киленнең чишмәгә су алырга төшүен күрсәттеләр.

«Су юлы» - Түбән Уратмада электән үк үтәлеп килгән традиция. Авылга килен булып төшкән кызлар, бу сынау аша узмыйча калмый. Яшьләр чишмә буена килгәч, уйнап, җырлап та алалар. Шунысы сөенечле, әлеге гореф-гадәтне Түбән Уратмада бүген дә үтиләр.