Үзе дә җырлап яши, башкаларга да һәрвакыт позитив булырга, күңелсез вакытта җырларга киңәш итә.
«Сәләтеңне күрсәт!» тапшыруы кунагы – 2 нче гимназиянең музыка укытучысы Рамина Петрова. Тумышы белән ул Зәй шәһәреннән. Мәктәптә укыганда ук җырлый башлый.
Әлеге төбәктә популяр булган «Мирас» ансамбле катнашында дистәләгән шәһәрдә, берничә илдә була. Алабуга мәдәният училищесында укудан тыш, Казанның федераль университетын тәмамлый. Музыка өлкәсен яхшы үзләштерә. Бүген ул белемнәрен – мәктәп укучыларына тапшыра.
