Тапшыру Алма спасына багышлана. Православие халкы әлеге бәйрәмне август ахырында билгеләп уза.
Түбән Каманың «Керәшеннәр» җәмгыяте вәкилләре әлеге йоланы сәхнәләштереп күрсәтә. Шуларның иң кызыклысы – яңа туган сабыйны алма суы белән коендыру.
Бу вакытта «алма кебек түгәрәк, алма кебек баллы телле булсын» дип әйткәннәр. Шулай ук әлеге су белән кызларның битләрен, чәчләрен дә юганнар. Алма спасына кадәр әлеге җимешне ашарга ярамаган. Ни өчен? Тапшыруда карагыз.
