«Форсат» тапшыруы. Милли кием тарихы

«Форсат» тапшыруының яңа чыгарылышында татар халкының милли киемнәре турында сүз бара.

Шәһәребездә яшәп иҗат итүче җирле шагыйрә Рәмзия Вәлиева бу өлкә белән күп еллар кызыксына. Әбиләре, әнисе кигән киемнәре ул кадерләп матур сандыкта саклый.

Анда  элекеге күлмәк, алъяпкычлар, калфаклар, читек саклана. Шагыйрә мөмкинлек булганда әлеге мирасы мәктәп укучыларына да күрсәтә. Бу юлы ул әбисенең серле сандыгы белән Красный Ключ мәктәбенең беренче сыйныф укучыларын таныштыра.