Ай буе дин кардәшләр таң атканнан алып кояш баеганчыга кадәр ашау-эчүдән тыелып, саваплы гамәлләр кылырга тырыштылар. Түбәнкамалылар кадерле кунакны ничек озата? Бәйрәм чаралары сәгать ничәдә башлана? Бу хакта алдагы материалда.

«Без бүген мәчеткә килдек. Фитра сәдакәсын тапшырырга. Үзебез ризыкланган кебек әрвахларга да, мохтаҗларга да ризык булсын дип».

Түбәнкамалылар мәчеткә фитра садакасы тапшырырга киләләр. Җыелган акчага волонтерлар азык-төлек җыелмаларын сатып алып, аларны өлкәннәргә, мохтаҗларга өләшәләр. Гаеткә кадәр өлгерергә кирәк.

«Ураза бәйрәменә күчтәнәч җибәргәннәр. 120 пакет кабул итеп алдым. Список буенча без аны әләшәчәкбез. Ураза бәйрәменә кадәр таратып бетерербез Алла бирса. Бик зур рәхмәт».
«Ураза вакытында безгә Үзәк мәчет фитра сәдакасы китерә. Безнең җәмгыятьтә бер мең кеше тора — 948. Бәйрәмгә кадәр барысы да алып бетерерләр дип торабыз. Инде шалтыратып әйттем».

20 мартта мөселманнар Ураза гаетен бәйрәм итәчәк. Ул Рамазан аеның тәмамлануын аңлата. Ай буе дин кардәшләр таң атканнан алып кояш баеганчыга кадәр ашау-эчүдән тыелып, саваплы гамәлләр кылырга тырыштылар.

«Ураза гаете белән сезне котлыйм. Ай буе тоткар уразаларыбызны, биргән сәдакаларыбызны кабул кылсын. Гөнаһларыбызны кичерсен, рәхмәтеннән ташламсын. Имин тормышлар бирсен, бер-беребзне хөрмәт итик».

Салих хәзрәт Ибраһимов түбәнкамалыларны гает намазына чакыра. Бәйрәм иртәнге 7дә изге Коръән укудан башланачак. Сигезенче яртыда — бәйрәм вәгазе. Сигездә — гает намазы. Җәмәгать белән уку урамда да оештырылачак. Үзегез белән намазлык алып килү сорала.

Бу көнне мәчет тирәсендә хәләл әйберләр сату ниятләнә. Тагын бер матур йола — гаетнең икенче көннедә физик мөмкинлелкәре чикләнгән шәһәрдәшләрне кунакка дәшү.