38нче лицей укучылары гуманитар ярдәм җыю пунктында даими кунаклар. Бу юлы алар ил сакчыларына хатлар алып килделәр. Шунысы да игътибарга лаек: балалар таныш булмаган, әммә якын кешеләр өчен изге теләкләре генә юлламаган, ә десант-штрум полкы хәрбиләре өчен 7 рация дә әзерләгәннәр.

«Бу рацияләрне хәйрия ярминкәсендә җыелган акчага сатып алдык. Әлеге чара балалар, аларның әти-әниләре һәм укытучыларның ярдәме белән оештырылды», — дип сөйләде 38нче лицейның педагог-оештыручысы Екатерина Колочева.

 53нче балалар бакчасы да гуманитар ярдәм җыюда актив. Өч атна эчендә алар 10 тартма әзерләгәннәр. Анда иң кирәкле әйберләр: шәхси гигиена чаралары, кием-салым, озак саклана торган продуктлар. Коллектив акчалата да булыша.

«Безнең коллектив 17 мең сум акча җыйды. Егетләргә файда китерсен. Без аларны өйдә көтәбез, исән-сау булсыннар», — диде 53нче балалар бакчасының беренчел профсоюз оешмасы рәисе Лилия Мукминова.

Изге эшкә теләге булган һәркем кушыла ала. Гуманитар ярдәм җыю пункты Химиклар проспектындагы 72 Б адресында урнашкан. Үзәк көн саен эшли.