Әлеге такталар блиндажлар һәм ышык урыннар төзү өчен кулланылачак. Мондый материалларга алгы сызыкта хәзер ихтыяҗ зур, ди волонтерлар. Бүген Түбән Камадан чираттагы гуманитар ярдәм җибәрелде.

«Бүген 2 машина, 3 мотоцикл, мопед, генераторлар, төзелеш материаллары, шәхси посылкалар җибәрәбез. Барлык әйберләр волонтерлар тырышлыгы белән җыелган» — ди гуманитар йөкне төяп җибәрү склады җитәкчесе Наталья Вебер.

Барлыгы 29 тонна йөк җыелган. Алар Белгород, Курск, Запорожск өлкәләрендә яшәүчеләргә, шулай ук Донецк халык республикасындагы хәрбиләргә җибәреләчәк. Радмир Беляев волонтерларга рәхмәт сүзләре җиткерде.

«Монда безнең волонтерлар: мәктәп укучылары, студентлар, яшь армиячеләр һәм битараф булмаган кешеләр ярдәм итәргә киләләр. Алар вакытларын да, көчләрен дә кызганмыйлар: төяп җибәрәләр, фронтка китәләр, якташларыбызга сәламнәрне җиткерәләр. Халык бердәмлеге булганда, җиңү безнеке булачак!», — ди Түбән Кама муниципаль районы башлыгы, Түбән Кама мэры Радмир Беляев.

Эш бер көнгә дә туктамый. Волонтерлар кулларыннан килгәнчә ярдәм итәләр. Кемдер акчалата, кемдер үз хезмәте белән булыша. Гуманитар йөк айга бер тапкыр җибәрелә.