Татарстан Республикасы туристлык индустриясен актив рәвештә үстерә, сәяхәтчеләргә төрле озынлыктагы һәм дәвамлылыктагы, алдан тикшерелгән һәм ышанычлы автомобиль юлларын тәкъдим итә. 

Бу маршрутларның барысы да «Туризм һәм кунакчыллык» илкүләм проекты чикләрендә эшләре алып барыла һәм путешествуем.рф. интернет-ресурсында тулысынча урнаштырылган.


«М-12 трассасы ачылу сәбәпле, Мәскәү, Мәскәү өлкәсе, шулай ук төньяк-көнбатыш һәм үзәк Россиядә яшәүчеләр өчен Татарстанга бару юлы кыскарды. Бу юл ачылганнан бирле безгә килүче автотуристлар саны бермә-бер артты. Казан урамнарында элек күрмәгән төбәкләрдән килгән машиналарны ешрак очрата башладык. М-12 трассасы буенча, Мәскәүдән безгә кадәр, соңгы ике ел эчендә генә 52 миллион тапкыр машина йөргән», — дип ассызыклады Татарстанның Туризм буенча Дәүләт комитеты башлыгы Сергей Иванов.

Тәкъдим ителгән маршрутлар:

«Борынгы заманнардан бүгенге көнгә кадәр: Гаҗәеп Татарстан»

Озынлыгы: 390 км

Дәвамлылыгы: 6 көн

Төп игътибарга лаек урыннар: Осиново күле, Казан Кирмәне, Зөя утрау-шәһәрчеге, Болгардагы урта гасыр калдыклары.

Сәяхәт өчен иң кулай: Гаиләләр өчен, ел дәвамында.

«Тарихи юллар буйлап: Татарстан серләрен ачу»

Озынлыгы: 284 км

Дәвамлылыгы: 4 көн

Төп игътибарга лаек урыннар: Кама Тамагында Идел һәм Чулманның кушылуы, борынгы Зөя һәм аның XVI гасыр чиркәүләре, Казанның төп тарихи һәйкәлләре.

Сәяхәт өчен иң кулай: Май–сентябрь айларында.

«Лаештан Алабугага кадәр: Мәдәни мирас эзләре»

Озынлыгы: 266 км

Дәвамлылыгы: 5 көн

Төп игътибарга лаек урыннар: Лаеш, Казан, аннан соң күренекле шәхесләр исеме белән бәйле Алабуга шәһәре.

«Татарстан — 1001 Ләззәт Төбәге»

Озынлыгы: 960 км (иң масштаблы маршрут)

Дәвамлылыгы: 1 атна

Төп игътибарга лаек урыннар: Зөя, Яр Чаллы, Болгар, Тәтеш — республиканың барлык төп һәм матур җирләре.

Сәяхәт өчен иң кулай: Ел дәвамында.

Кызыклы факт: 2025 елда Татарстан туризм өлкәсендә рекордлы күрсәткечкә иреште — төбәккә якынча 4,5 миллион турист килде. Бу 2024 ел белән чагыштырганда 19% артканлыкны күрсәтә.