Оештыручылар белдерүенчә, катнашучыларның саны гына түгел, географиясе дә арта. Быел Түбән Кама, Яр Чаллы, Алабуга, Кукмара, Чистай, Арча, Минзәлә, Сарман шәһәрләреннән 5-7 яшьлек 23 кыз көч сынаша. 13 катнашучы финалга чыгып, үзләренең сәләтләре, гаилә йолалары белән тыншытырдылар. Кечкенә йолдызчыкларның чыгышын бергәләп карыйк

 Сәхнәгә бер-бер артлы кечкенә йолдызчыклар чыгалар. Жюри әгъзаларына «Яз гөле» милли киемнәрен тәкъдим итәләр, сәләтләрен күрсәтәләр. Гореф-гадәтләрне саклап калуга юнәлтелгән бәйгедә балалар бакчасы яшендәге кызлар катнаша.

«Нәүрүз гүзәле» конкурсы 15 нче балалар бакчасында үткәрелә. Мәктәпкәчә мәгариф учреждениесенең өстенлекле юнәлеше — милли тәрбия. Әлеге конкурсны 4нче ел рәттән оештыралар. Мәртәбәле бәйге «Сөенеч» курчак театры белән берлектә оештырыла.

Чыгышларны мәртәбәле жюри әгъзалары бәяли. «Нәүрүз гүзәле-2026» исемен Минзәлә шәһәреннән Гыйләҗева Рузилә яулый. Номинацияләр буенча да җиңүчеләр билгеләнә. Аларга иганәчеләр ярдәме белән әзерләнгән бүләкләр тапшырыла.