Рустам СафинПрограмма нигезендә шәһәрнең 54 объектында инженерлык челтәрләрен алыштыру планлаштырылган. Бүгенге көндә аларның 31ендә актив эш алып барыла. Башкарылган эшләрнең уртача күләме 38 процент тәшкил итә.
Түбән Кама шәһәре төзелеш, торак-коммуналь хуҗалык һәм төзекләндерү департаменты директоры Денис Баландин сүзләренә караганда, әлеге участокларда иске торбалар тулысынча сүтелгән, кирәкле материаллар һәм яңа торбалар алдан ук сатып алынган.
«Программаны гамәлгә ашыруда 18 подрядчы оешма катнаша. Алар шәһәрнең төрле нокталарында бер үк вакытта эш алып бара», — дип билгеләп үтте Денис Баландин.
«Безнең ишегалды» программасы шәһәр инфраструктурасын яңарту, инженерлык челтәрләренең ышанычлылыгын арттыру һәм халык өчен уңайлы яшәү шартлары тудыру максатын күздә тота. Эшләр график нигезендә дәвам итә.
MAX
