Түбән Каманың кикбоксинг буенча спортчысы Анастасия Никитенко WAKO Дөнья кубогы җиңүчесе булды. Әлеге дәрәҗәле ярышлар Үзбәкстанда узды. Анда спортның бу төрендә иң көчле көрәшчеләр көч сынашты.

«Үземнең яраткан Россиям өчен халыкара ярышларда катнаша алуыма бик горурланам. Беренче урынны яуладык», — дип хис-кичерешләре белән уртаклашты Анастасия Никитенко.

Анастасия Никитенко К-1 дисциплинасында көч сынашты. Ярышларда 47 илдән 2,5 меңнән артык спортчы катнашты.

Руслан Зариповның тагын бер шәкерте дә дәрәҗәле турнирда уңышка иреште. Виктория Белоусовага финалда җиңүгә аз гына җитми калды. Нәтиҗәдә, спортчыбыз икенче урынны алды.