«Түбән Кама Нефтехим»да булган һәлакәт нәтиҗәсендә йортлар һәм сәүдә нокталарының тәрәзәләре һәм балкон конструкцияләре зыян күрде.

Бу сәбәпле 130дан артык мөрәҗәгать кабул ителде.

Махсус хезмәтләр Южная урамындагы 2 нче йорт һәм Мәктәп бульварындагы 3 нче йорттагы ватылган тәрәзәләрне алыштырды. Эшләр берничә подрядчы оешма тарафыннан башкарыла.

Түбән Кама муниципаль районы башлыгы Радмир Беляев сүзләренчә, төп максат — зыян күргән фатир хуҗаларына мөмкин кадәр тизрәк гадәти уңайлыкларны кайтару. Соңгы тәрәзә урнаштыру эшләре 10 апрельгә тәмамланыр дип көтелә.