Менделеев урамындагы 26 нчы йортның Җаваплы вәкиле Фәридә Нигъмәтҗанова гуманитар ярдәм Җыю пунктына махсус хәрби операциядә катнашучы хәрбиләр өчен дару препаратлары тапшырды.
Әлеге дарулар фронтка озатылачак. Аларны йортта яшәүчеләр белән бергәләп Җыйганнар.
Әлеге йортта яшәүчеләр шәһәрдә үткәрелә торган барлык хәйрия акцияләрендә дә актив катнаша. Алар махсус хәрби операция башланганнан бирле фронтка даими ярдәм итә: берничә тонна гуманитар йөк Җыйганнар, маскировка челтәрләре үрәләр, «коры душ» комплектлары әзерлиләр.
Түбән Каманың актив волонтерларының берсе Эдуард Сопов та фронтка ярдәм итү эшенә ун яшьлек оныгы үрнәгендә кушылган. Берничә ай дәвамында ул «исән калу беләзекләре» үрә. Аларның саны инде йөздән күпкә артып киткән. Бүген ул бу эшне зур осталык белән башкара: һәр төене төгәл, һәр бау тиешле урынына туры китереп үрелә. Үзе әйтүенчә, моның сере гади. «Оныгым миңа барысын да аңлаешлы итеп өйрәтте, шуңа күрә хәзер эшем яхшы бара», — дип уртаклашты ул.
«Игелекле йөрәкләр» төркеменең гуманитар ярдәм кабул итү пунктында эш беркайчан да туктамый. Волонтерлар маскировка челтәрләре үрә, «исән калу беләзекләре», окоп шәмнәре һәм «коры душ» комплектлары әзерли. Бирегә битараф булмаган түбәнкамалылар гуманитар ярдәм дә алып килә.
Хәзерге вакытта оешмада чираттагы гуманитар ярдәм Җыю игълан ителгән. «Без йон һәм байка юрганнар, пледлар һәм япмалар Җыябыз. Бу — ашыгыч Җыем. Битараф булмаган түбәнкамалыларны тормыш өчен кирәкле әйберләр туплауда ярдәм итәргә чакырабыз», — дип мөрәҗәгать итте шәһәр халкына «Игелекле йөрәкләр» төркеме Җитәкчесе Лариса Орлова.
Юрган, плед һәм япмаларны көн саен Химиклар проспекты, 72Б адресы буенча урнашкан гуманитар ярдәм кабул итү пунктына алып килергә мөмкин. Пункт иртәнге сәгать 9дан кичке 6га кадәр эшли.
MAX
