КӨН КАДАГЫНДА

Соңгы алты ай эчендә Түбән Кама районында 76 юл-транспорт һәлакәте теркәлгән. Аларда 6 кеше һәлак булган, тагын 100 кеше төрле дәрәҗәдәге имгәнүләр алган. Бу хакта «Туган як» газетасына Россия Эчке эшләр министрлыгының Түбән Кама районы буенча Дәүләт автоинспекциясе бүлеге Җитәкчесе вазифаларын вакытлыча башкаручы, полиция подполковнигы Вилдан Фәрхетдинов хәбәр итте.

Узган елның шул ук чоры белән чагыштырганда, быел юл-транспорт һәлакәтләре һәм аларда зыян күрүчеләр саны кимегән. Әмма аварияләрнең нәтиҗәләре Җитдирәк була бара. Шуңа күрә юл хәрәкәте иминлеген саклауга юнәлдерелгән профилактик чараларга аерым игътибар бирелә. Бу максат белән Түбән Кама районы Дәүләт автоинспекциясе тарафыннан профилактик чаралар комплексы үткәрелә. Юл йөрү кагыйдәләрен тупас бозу очракларын кисәтүгә һәм ачыкларга юнәлдерелгән махсус оператив-профилактик рейдлар даими оештырыла. Каршы як хәрәкәт полосасына чыгу, шулай ук балаларны йөртү кагыйдәләрен бозу кебек Җитди кагыйдә бозуларны ачыклауга һәм кисәтүгә аерым игътибар бирелә.

Моннан тыш, автоинспекторлар автотранспорт предприятиеләре йөртүчеләре, хезмәт коллективлары һәм район халкы белән аңлату эшләре алып бара, юл хәрәкәте кагыйдәләрен үтәүнең мөһимлеген искәртә. Җәяүлеләргә тәүлекнең караңгы вакытында һәм күрү мөмкинлеге чикләнгән шартларда яктылык кайтаргыч элементлар куллану зарурлыгы даими аңлатыла.

— Юл хәрәкәте иминлеге һәркемнең Җаваплылыгына бәйле. Шуңа күрә машина йөртүчеләрне дә, Җәяүлеләрне дә юл йөрү кагыйдәләрен төгәл үтәргә, юлда игътибарлы һәм сак булырга чакырабыз, — дип белдерде Вилдан Фәрхетдинов.

Дәүләт автоинспекциясе юл хәрәкәтендә катнашучыларны кагыйдәләрне төгәл үтәргә, юлда игътибарлы һәм сак булырга чакыра. Һәр йөртүче һәм Җәяүле үз иминлеге өчен генә түгел, ә башка юл хәрәкәтендә катнашучыларның тормышы һәм сәламәтлеге өчен дә Җаваплы булуын истә тотарга тиеш.