Күркәм гадәт буенча авыл халкы әлеге вакыйга шатлыгын уртаклашу һәм дога кылу өчен җыелды. Салих хәзрәт Ибраһимов белән бергә җыелган халык та кулларын күтәреп дога кылды.

Майская Горка авылы имамы Нәфис хәзрәт Каюмов белдерүенчә, документларны әзерләгәндә төзелешне оештыру белән шөгыльләнәчәк инициатив төркем формалашкан. Мәчетне иганә акчасына төзергә ниятлиләр.