Төп эшләрнең берсе булып брусчатка җәю тора. Проект буенча, 1 квадрат метр мәйданны төзекләндерү бәясе якынча 3800–4000 сум тәшкил итә.

Акция кысаларында барлык теләге булган кешеләрне изге эшкә үз өлешләрен кертергә чакыралар. Җыелган акча ярдәмендә мәчет территориясен тагын да күркәмрәк һәм уңайлырак итү планлаштырыла.

«Мәчетнең ишегалдын оештыра башладык. Мәчет алды матур һәм уңайлы булсын өчен, без ишегалдына таш җәябез. Мәчеткә килгән кешенең һәр адымы саен гөнаһлары кичерелә, савап языла, һәм без шул изге юлга сәбәпче булыйк, һәркем үз өлешен кертсен, Аллаһы Тәгалә кабул итсен. Безнең уртак максат — мәчетне шәһәрнең 60 еллыгына ачу», — дип белдерде Түбән Кама муниципаль районы имам-мөхтәсибе Салих хәзрәт Ибраһимов.