Айнур Әскәров – махсус хәрби операция ветераны. 2024 елда ул контракт нигезендә алгы сызыкка җибәрелгән, узган ел яраланып кайткан. Бүген ул вакансияләр ярминкәсенә эш эзләпкилгән. Бу – бик яхшы мөмкинлек, – ди түбәнкамалы.

«Ватанны саклаучылар» фондына рәхмәтемне белдерәм. Эш белән дә, дәвалану белән дә ярдәм итәләр», – дип сөйләде ул.

Ярминкә «Ватанны саклаучылар» фондында узды. Халыкны эш белән тәэмин итү үзәге мәгълүматлары буенча, бүгенге көндә махсус хәрби операциядә катнашучылар өчен 570кә якын эш урыны тәкъдим ителә. Аларның өлкәләре төрле: машина йөртүче, инженер, сакчы, электр белән эретеп ябыштыручы. Аерым игътибар солдатларның гаилә әгъзаларына бирелә.

«Эш ярминкәсен без ел дәвамында оештырабыз. Бу быелгы беренчесе, СВО ветераннарын һәм аларның гаиләләрен чакырдык. Ел дәвамында алар белән эшлибез. Аларның шат йөзләрен күрү һәм эш табуларына сөенү безнең өчен зур канәгатьлек», – диде «Ватанны саклаучылар» дәүләт фондының социаль координаторы Земфира Гәзизова.

Моннан тыш, җәй көне махсус хәрби операциядә катнашучыларның балаларын да эшкә урнаштыралар. Узган ел мәшгульлек үзәге 17 балигъ булмаган үсмергә эш табарга ярдәм иткән