Бүгенге көндә авария хәлендәге конструкцияләр сүтелгән, җимерелгән өлешләрне демонтажлау эше башланган. Шул ук вакытта бинаның техник халәте комплекслы рәвештә өйрәнелә. «Татинвестгражданпроект» дәүләт унитар предприятиесе белгечләре башта йортны тышкы яктан бәяли, аннары һәр фатир буенча инструменталь диагностика үткәрү планлаштырыла. Бу тикшерүләр бинаның киләчәк язмышы турында нигезле карар кабул итәргә мөмкинлек бирәчәк.

Алынган нәтиҗәләр нигезендә комиссия алдагы эш планын билгеләячәк. Хәзер үк капиталь ремонтка актив әзерлек бара. Эшләр планлы режимда алып барыла. Вәзгыять республика һәм шәһәр җитәкчелеге контролендә.