Эшләрне «Татавтодор» оешмасы башкара. Хәзер белгечләр иске асфальт катламын салдыралар.

Проект кысаларында 4,8 чакрым озынлыктагы юл яңартылачак. Биредә юл өслеге тулысынча алыштырылачак, яңа тротуарлар һәм велосипед юллары салыначак. Шулай ук өстәмә яктырткычлар урнаштыру, борылыш урыннарын җайга салу һәм юл буйларын төзекләндерү дә каралган.

«Химиклар проспекты — шәһәрнең иң хәрәкәтле юлларының берсе. Шуңа күрә ремонт вакытында хәрәкәтне тулысынча япмаска тырышачакбыз», — дип белдерде «Бердәм заказчы дирекциясе» директоры Раил Ситдиков.