Гөлия НигъмәтуллинаТатарстан Республикасы заманча технологияләр ярдәмендә укытучы һөнәренең абруен тагын да күтәрүгә юнәлдерелгән масштаблы проектны гамәлгә ашыра.
«ТРның Электрон мактау тактасы» дип исемләнгән цифрлы платформада бүгенге көндә 3640тан артык педагог — мәктәп укытучылары, балалар бакчалары тәрбиячеләре һәм җитештерү өйрәтү осталарының исемнәре урын алган.
Бу хакта республика Рәисе Рөстәм Миңнеханов Чаллы шәһәрендә узган педагогларның республика август киңәшмәсенең пленар утырышында игълан итте.
«Без киләсе 2026 елны Татарстанда Хәрби һәм хезмәт батырлыгы елы дип игълан иттек. Шушы уңайдан безнең „Электрон мактау тактасы“ эшли башлады. Анда инде 3640 укытучы, тәрбияче, производство остасының исеме теркәлде», — диде Татарстан лидеры үз чыгышында.
Республика җитәкчесе ассызыклаганча, бу саннар артында — Татарстан Республикасының интеллектуаль һәм рухи үсешенә гаять зур өлеш кертүче фидакарь затлар тора.
«Мин үзебезнең мәгариф системасын үстерүгә бөтен гомерен багышлаган, буыннарны белемле һәм әхлаклы итеп тәрбияләүче мөгаллимнәребез белән чиксез горурланам. Аларның хезмәте бәяләп бетергесез», — дип басым ясады Рөстәм Миңнеханов.
MAX
