Түбән Каманың С. Сәйдәшев исемендәге музыка көллияте коллективына яңа җитәкчене тәкъдим иттеләр. Бу вазифага Альберт Миншин билгеләнде.

Чарада Түбән Кама муниципаль районы башлыгы Радмир Беляев, мәдәният идарәсе башлыгы Эльвира Кәримуллина һәм Татарстан Республикасы мәдәният министры урынбасары Дамир Нотфуллин катнашты.

Радмир Беляев коллективны уку елы тәмамлануы белән котлады, ә яңа директорга традицияләрне сакларга, ирешелгән уңышларны арттырырга һәм уку йортын алга таба үстерергә теләде.