Бу хакта ТР Эчке эшләр министрлыгының экстремизмга каршы көрәш үзәге җитәкчесе урынбасары Роман Мөхәммәтҗанов матбугат конференциясендә хәбәр итте.

Аның сүзләренчә, укучыга карата үтерүгә омтылу маддәсе буенча җинаять эше кузгатылган, ләкин ул гаепләнүченең яше җитмәү сәбәпле туктатылган: җинаять кылган вакытта аңа 13 яшь булган.

«Мондый очракларда тоткарланучылар еш кына үзләре дә мыскыллаулар корбаны була. Үсмерләр яшьтәшләре тарафыннан рәнҗетелү, шулай ук гаиләдәге проблемалар турында сөйли. Әмма күпчелеге бу хәлләр турында беркемгә дә җиткерми», — дип аңлатты Роман Мөхәммәтҗанов.

Белгечләр фикеренчә, ярдәм таба алмаган балалар интернетта куркыныч контентка юлыга һәм шунда фикердәшләр таба.