Әлеге программалар, беренче чиратта, балаларның фән, олимпиадалар һәм иҗат юнәлешләрендәге сәләтләрен үстерүгә юнәлдерелгән. 2026 елда катнашучылар өчен лингвистика, физика, химия, информатика, мультипликация һәм дизайн, музыкаль-башкару, театр һәм сәнгать юнәлешләре ачык булачак.

«Акыллы каникуллар» форматында укучылар җәйне ял итү белән генә чикләнми, ә бу вакытны үз киләчәкләре өчен файдалы итеп файдалана, яраткан предметларын тирәнтен өйрәнә, сәләтләрен камилләштерә һәм талантларын ачарга ярдәм итүче, уртак фикердәшләр мохитенә эләгә. Программаларыбыз аша без үсеш, ярдәм һәм илһам өчен уңайлы урын булдырырга омтылабыз», – дип ассызыклады Талантлар университеты башкарма директоры Адилә Әхмәтова.

Укуларны югары квалификацияле белгечләр, шул исәптән «Сириус» үзәгенең әйдәп баручы педагоглары, илнең иң яхшы югары уку йортлары укытучылары, профильле компанияләр вәкилләре һәм билгеле сәнгать эшлеклеләре алып барачак. Белем бирү программасына экспертлар белән үткәрелә торган дәресләр, практик интенсивлар һәм иҗади эш форматлары керә.

Сменаларда катнашучылар өчен уңайлы яшәү шартлары, көнгә биш мәртәбә туклану һәм медицина ярдәме каралган. Территорияләрдә иминлекне сакчылар һәм игътибарлы кураторлар тәэмин итәчәк.

Әлеге сменаларны «Казан талантлар ачык университеты 2.0» оештыра. Сменаларда катнашу тулысынча бушлай, һәм бер яки берничә сменага гариза тапшырырга була.