Метрология үзәге белгечләре аппаратның төзеклеген карадылар, әлеге җайланманы куллану буенча киңәшләрен бирделәр. Бу хезмәттән дистәләгән кеше файдаланды.

Приборның төгәллеген тикшергәннән соң, Росстандарт белгече Лариса Никоновага җайланманы куллану буенча үз киңәшләрен бирә. Кайбер кимчелекләр ачыклана.

Тонометрларының эшчәнлеген тикшерергә теләүчеләр күп була. Белгеч фикерен тыңларга өлкән яшьтәгеләр генә түгел, яшьләр дә киләләр. «Ышан! Сәламәт бул!» акциясе 5 шәһәрдә үтә.

«Кан басымы һәр кешенең сәламәтлеге өчен бик мөһим. Без бу акцияне ел саен үткәрәбез. Түбәнкамалыларга ярдәм итәргә шат», — ТР Стандартлаштыр, метрология һәм сынаулар дәүләт төбәк үзәге» федераль бюджет учреждениесенең Түбән Кама филиалы җитәкчесе вазыйфасын башкаручы Ильяс Гыйльфанов.

Медицина приборларын бушлай тикшерделәр. Дистәләгән түбәнкамалы белгеч киңәшен тыңлады. Акциянең максаты — Россиядә яшәүчеләргә йөрәк-кан тамырлары авыруларын кисәтү өчен көнкүреш тонометрлары күрсәткечләренең төгәллеген даими тикшереп торуның мөһимлеген җиткерү.