Исегезгә төшерәбез, 2025 елда боз 18 мартта ук кузгалган иде. Әмма бер ел элек бу хәл бары тик икенче апрельдә генә булган.

Сулыклардагы боз көннән-көн йомшара, ныклыгы бетә. Бу чорда боз өстеннән йөрү аеруча куркыныч була башлый.

Коткаручылар кисәтә: сулыклар янында сак булырга, балаларны караучысыз калдырмаска һәм һич тә елга өстенә чыкмаска кирәк. Кышын балык тотарга яратучыларга хәзер куркынычсызлыкны уйларга һәм тотрыклы боз формалашуын көтәргә вакыт.