ҖӘМГЫЯТЬ, Белеп торыгыз!

Алар арасында традицион 59 нчы җиңел атлетика эстафетасы, «Геройлар юллары буйлап» автойөреше һәм «Хәтер шәме» акциясе кебек әһәмиятле вакыйгалар бар. Әмма төп бәйрәм, әлбәттә, 9 Май көненә туры киләчәк. Быел ул салютсыз узачак.

Җиңү парадында 700дән артык укучы һәм студент, шулай ук балалар бакчаларыннан 150ләп сабый катнашачак. Бу исә бәйрәмнең буыннарны берләштерүче, уртак хәтерне саклаучы әһәмиятен тагын бер кат раслый.

Түбән Кама башкарма комитеты җитәкчесенең социаль мәсьәләләр буенча урынбасары Александра Офицерова хәбәр иткәнчә, төп тантана иртәнге сәгать 10да Җиңү монументы каршында башланачак. Программа бай һәм эчтәлекле итеп төзелгән: вокаль-хореографик пролог, бер минут тынлык, монументка чәчәкләр салу тантанасы каралган. Шулай ук тамашачылар балалар бакчалары тәрбияләнүчеләренең күрсәтмә чыгышларын күрәчәк, Татарстанның Советлар Союзы Герое Гани Сафиуллин исемендәге кадет корпусы барабанчыларының плац-концерты белән танышачак. Моннан тыш, хәрбиләштерелгән колонналар парады һәм хәрби техника узуы да күздә тотыла.

Быелгы Җиңү көне программасы – батырлыкны искә алу, тарихны хөрмәт итү һәм яшь буынга патриотик тәрбия бирүнең ачык чагылышы.