Түбән Камага – 60 ел

1979 елдан башлап Фатыйх Кашапович 30 ел дәвамында башкарма хакимият органнарында эшли: Түбән Кама шәһәр Советы башкарма комитетының беренче урынбасары; район һәм шәһәр администрациясе башлыгының беренче урынбасары; Түбән Кама берләштерелгән халык депутатлары Советы рәисенең беренче урынбасары булып хезмәт итә.

Шәһәр хуҗалыгының күп кенә бүлекләрен җитәкләгән вакытта, Фатыйх Кашапович торак-коммуналь хезмәтләр эшчәнлеген яхшыртуга, җитештерү базаларын ныгытуга, матди-техник тәэминатка, шәһәрне яшелләндерү һәм матурлау эшләренә зур игътибар бирде. Аның турыдан-туры җитәкчелеге астында шәһәрдә торак-коммуналь хуҗалык, су каналы, күппрофильле предприятиеләр җитештерү базалары булдырылды. Аның җитәкчелегендә эшләгән елларда Түбән Кама шәһәренең яшелләндерү һәм төзекләндерү буенча Бөтенроссия һәм республика конкурсларында берничә тапкыр призлы урыннарны яулавы да шуның дәлиле.

1998-2005 елларда ул «Түбән Кама икмәк комбинаты» акционерлык җәмгыяте генераль директоры булып эшли. Шул вакыт эчендә Фатыйх Кашапович предприятиене тармак лидерлары рәтенә чыгара. Аның җитәкчелегендә икмәк комбинатын яңарту һәм модернизацияләү программасы эшләнә, яңа төр икмәкләр һәм комплекслы механизацияләнгән бәлешләр җитештерү линиясе, автоматлаштырылган төрү җиһазлары урнаштырыла, котельный яңартыла, предприятие автомобиль паркы булдырыла, ел саен 20дән артык яңа икмәк, кондитер һәм сәламәтләндерү продукциясе төрләре эшләнә һәм җитештерүгә кертелә.

2005 елда Фатыйх Котдусов Түбән Кама шәһәре башлыгы итеп сайлана, ә 2006 елда Түбән Кама муниципаль районы башлыгының урынбасары булып билгеләнә. Ул шәһәр һәм районда җирле үзидарә системасын үстерүгә зур өлеш кертә, дәүләт органнары һәм җирле үзидарә арасында конструктив хезмәттәшлекне актив алга җибәрә, социаль-икътисади үсешкә юнәлдерелгән чараларны тормышка ашыруда зур ярдәм күрсәтә.

2006-2010 елларда ул Татарстан Республикасында телләрне саклау һәм үстерү законнарын гамәлгә кую комиссиясе рәисе була. Аның инициативасы белән Түбән Кама районы телләр һәм мәдәниятне үстерү фонды, җәмәгать берләшмәләре һәм милли мәсьәләләр буенча бүлек оештырыла. Фатыйх Кашапович «Җидегән чишмә» әдәби-музыкаль берләшмәсенең актив оештыручыларының берсе була, татар халкының милли гореф-гадәтләрен, мәдәниятен һәм телен саклау һәм үстерүгә зур көч куя.

2011 елда ул Түбән Кама муниципаль районының Иҗтимагый советы рәисе итеп сайлана. Аның җитәкчелегендә 2011-2013 елларда Кама Аланы һәм авыл җирлекләрендә мәгариф, сәламәтлек саклау, мәдәният һәм спорт учреждениеләре үсеше, республика программаларының үтәлеше, социаль-икътисади мәсьәләләр карала.

Фатыйх Кашапович «Хезмәттәге дан» ордены, Татарстан Республикасы Мактау грамотасы, Татарстан Республикасы Икътисад һәм сәнәгать министрлыгы Мактау грамотасы, «Фидакарь хезмәт өчен» медале, Татарстан Президентының Рәхмәт хаты белән бүләкләнә. Аңа Татарстан Республикасының атказанган торак-коммуналь хуҗалыгы хезмәткәре исеме бирелә. 2014 елның 10 июлендә Түбән Кама шәһәр Советы карары белән Фатыйх Кашапович Котдусовка «Түбән Кама шәһәренең Мактаулы гражданины» исеме бирелде.

Фатыйх Кашапович Котдусов 2014 елның 30 октябрендә вафат булды, әмма аның шәһәр үсешенә һәм җәмәгатьчелек эшенә керткән өлеше беркайчан да онытылмас.